Ukufundiswa kohlelo lolimi kubafundi bebangale 10 abenza isiZulu ulimi lokuqala lokwengeza ezikoleni ezintathu zase-Richards Bay.
Loading...
Date
2021
Authors
Journal Title
Journal ISSN
Volume Title
Publisher
Abstract
Lolu cwaningo lugxile ekubhekeni ukufundiswa kohlelo lolimi kubafundi bebanga le-10
abenza isiZulu uLimi Lokuqala Lokwengeza ezikoleni ezintathu zase-Richards Bay. Lolu
cwaningo lwesimo olusebenzise ipharadymu yomhumusho, kusetshenziswa indlela yokuqoka
abahlanganyeli ngenhloso, okuyibona abanganikeza imininingwane ethembekile yesimo
esicwaningwayo. Lolu cwaningo lwenziwe ezikoleni ezintathu zase-Richards-Bay. Lolu
cwaningo lusebenzise amathuluzi amathathu okuqoqa ulwazi okuyizingxoxo ezisakuhleleka,
izingxoxo zamaqembu kanye nokuhlaziya amadokhumenti. Ucwaningo luphinde lwasebenzisa
izindlela zocwaningo lobunjalo besimo ukuhlaziya ulwazi olutholakele. Imiphumela
yocwaningo ihlaziywe kusetshenziswa injulalwazi i-Socio-constructivism kaVygotsky (1978).
Imiphumela yocwaningo ikuvezile ukuthi othisha nakuba bezisebenzisa izindlela ezahlukene
zokufundisa, kusekhona okushodayo futhi bayadinga ukulekelelwa wuMnyango wezeMfundo
ngoba iningi labo abaqeqeshekile kahle emaswini okufundisa uhlelo nolimi esiZulwini uLimi
Lokuqala Lokwengeza. Imiphumela yocwaningo iphinde yaveza ukuthi othisha babhekene
nenkinga yokungabi bikho kwezinsizakusebenza zokufundisa ulimi lokuqala lokwengeza.
Othisha bolimi lwesiZulu babhekene nenkinga yomthwalo omningi maqondana nalolu limi.
Othisha babuye babhekane nenkinga yokuthi abafundi banokusibukela phansi isiZulu ngenxa
yomthelela wolimi lwesiNgisi esiqhakanjiswa kakhulu ezikoleni nasemakhaya. Abafundi
abasebangeni le-10 abanalo ulwazi oluyisisekelo lwesiZulu ngenxa yokuthi abasifundanga
isiZulu emabangeni aphansi. Abafundi babhekene nenkinga yokungakwazi ukuphimisa
imisindo ngendlela efanele.
Description
Masters. University of KwaZulu-Natal, Durban.