Ngcobo, Bonakele Yvonne.Memela, Mbali Immaculate.2022-01-242022-01-2420212021https://researchspace.ukzn.ac.za/handle/10413/20127Masters Degree. University of KwaZulu-Natal, Durban.Lolu cwaningo belubheka imibono yabafundi ngokuhlukunyezwa kwabesifazane ngokwemibiko yamaphephandaba esiZulu. Lapha bekubhekwa yonke imibiko ephathelene nazo zonke izinhlobo zokuhlukunyezwa kwabesifazane ezikoleni, emakhaya nasemphakathini. Lolu cwaningo lwenziwe nabafundi bebanga lesishiyagalolunye kubhekwa imibono yabo kanye nokadebona wabo ngokuhlukunyezwa kwabesifazane abafunde ngakho ekilasini. Lolu cwaningo kunethemba lokuthi luthuthukise amakhono ehlukene okufunda ulimi lwesiZulu njengolimi lwasekhaya. Inhloso yalolu cwaningo bekuwukuveza ukuhlukunyezwa kwabesifazane njengoba kuvezwa emaphephandabeni esiZulu. Lolu cwaningo lwenziwe esikoleni sasesiyingini saseNkandla. Lolu cwaningo lusebenzise izinjulalwazi ezimbili: ifeminizimu yase-Afrika nenjulalwazi yokuphendula komfundi ukuveza amaphuzu abalulekile nokusekela lolu cwaningo. Lezi zinjulalwazi zisetshenziswe njengezibuko zokuhlolisisa okubikwa emaphephandabeni esiZulu ngokuhlukunyezwa kwabesifazane. Kulolu cwaningo ngikhethe iziqeshana emaphephandabeni esiZulu ezikhuluma ngokuhlukunyezwa kwabesifazane. Imiphumela yocwaningo iveze ukuthi abantu besifazane bahlukunyezwa ngezindlela eziningi kuyo yonke iminyaka kusuka ezinganeni zamantombazane kuze kuyofika ezalukwazini. Kugqame nokuthi lokhu kuhlukunyezwa kwabesifazane kwenzeka noma ikumuphi umuntu wesifazane, ohluphekayo, oyisigwili ngisho nodumile. Kwavela izinto ezihlukene ezinomthelela ekubhebhethekeni kwalesi sihlava, kubalwa ukungabi namali kwabesifazane, ukubekezelela ukuhlukunyezwa ngenxa nje yothando kanye nesimompilo somphakathi. Ucwaningo lugcizelele ukubaluleka kokunciphisa ukuhlukunyezwa kwabesifazane ngezindlela eziningi ezahlukene ezingazusiza kuphela abesifazane kepha ezizofundisa nomphakathi ikakhulukazi abesilisa ngokuphathwa kwabesifazane.otherNgokuhlukunyezwa kwabesifazane.Nesimompilo somphakathi.Udlame lwasekhaya.Izifo.Thesis