Indikimba yokudingiswa ezinkondlweni zikaMazisi Kunene zesiZulu.
Loading...
Date
2018
Authors
Journal Title
Journal ISSN
Volume Title
Publisher
Abstract
Lona ngumsebenzi wocwaningo ohlelwe ngokwalezi zahluko eziyisikhombisa.Ucwaningo olwenziwe kulo msebenzi lumayelana nendikimba yokudingiswa etholakala ezinkondlweni zesiZulu zikaMazisi Kunene.
Isahluko sokuqala
Kulesi sahluko ilapho kuthulwa khona ucwaningo ngokuthi kuchazwe isihloko socwaningo esingumgogodla wocwaningo lonke. Esahlukweni lesi kuvezwa kafushane okuzogxilwa kukhona ocwaningweni, kuchazwe amagama azobe eqavile ocwaningweni lonke. Kuvezwa izinhloso kanye nezidingo zocwaningo ngenhloso yokhanyisa umsuka wocwaningo olwenziwayo. Kubuye kubhekwe izindlela zokwenza ucwaningo ezizosetshenziswa ocwaningweni. Kuvezwa ngamafuphi ukuthi ucwaningo luzokwenziwa kanjani. Kuphindwe kuthulwe izinjulalwazi eziyisisekelo socwaningo. Kugcinwa ngokuveza umklamo wocwaningo kanye nomklamo wezahluko lapho kuvezwa khona ngamafuphi ukuthi ucwaningo luzogxila kuphi nokuthi umcwaningi izahluko zocwaningo uzozimisa kanjani.
Isahluko sesibili
Lesi yisahluko esiyisendlalelo socwaningo lonke. Kulesi sahluko kuxoxwa kabanzi ngezinkondlo nokuthi buyini ubunkondlo. Kuzophinde kubuyekezwe nemibhalo ehlobene nesihloko socwaningo olwenziwayo.
Isahluko sesithathu
Lapha kubhekwa izindlela zokuqhuba ucwaningo kanye nezinjulalwazi eziyisekelo socwaningo lonke.
Description
Doctor of Philosophy in African Languages. University of KwaZulu-Natal. Pietermaritzburg, 2018.